Кино үзжаагаад бодлоо.

Би саяхан нэг кино үзсэн юм. Тэгтэл тэр кинонд эмэгтэй хүний амьдралын хамгийн сайхан зүйлс юу вэ? гээд, түүндээ амралт, секс, хоол, ээж болох гэж хариулж байх юм. Та үүнтэй санал нийлэх үү? Энэ бүгд их сайхан сонсогдож байгаа биз. Гэхдээ бүх зүйлд хэмжээ хэрэгтэй. Хэрвээ тунгий нь хэтрүүлбэл дээрх 4 үг: залхуу, тарган, завхай, хүүхэд цувуулсан авгай гэж ч сонсогдож болно. Гэхдээ энэ бол зөвхөн муугаар бодвол л шүү дээ. Харин би ингэж бодоогүй.

Миний бас нэг ХОББИ

Хэхэ, би ёстой аймар олон хоббитой байгааз. Гэхдээ энэ нь сайхан л даа. Надад уйдахгүй байх боломж олгодог юм.

Энэ удаад зүгээр л өөрийн минь ордын тохиромжийн зурхайг оруулчихъя. (Би охины ордынх)

Утсаа алдчихлаа.

Би уржигдар утсаа алдчихлаа. Аймар үнэтэй лаг утас байгаагүй ч, 2 жил гаран барьчихсан болохоор хайртай болчихсон утас маань байсан юм. Би ер нь ямар нэг зүйлийг удаан хэрэглэх тусмаа дуртай болдог хүн л дээ. За энэ ч яахав.

Дахиад нэг дуртай зүйл

Хэдэн жилийн өмнө би арван хэдтэй охин байхдаа (хэхэ, майр том эгч шиг бичлээшд) Комик үздэг залуусыг шезо-той, fashion сэтгүүл үздэг хүүхнүүдийг ягаан гүнжүүд гэж боддог байлаа. Үүнтэй төстэй өөр олон бодол сэтгэгдэл байсан л даа. Одоо харин одоо бодоход ёстой л "ХЭХЭ". Өнөөдөр би энэнд ухаангүй дуртай. Комик-ийн хувьд мэдээж хүн аалз, ультра виолет-ын комик үздэггүй л дээ. Харин японы мангануудад ... Ялангуяа НАРУТОД бол хэхэ. Манга, анимед нь аль алинд нь дуртай. Бараг л 7 хоног Давааг-Ням биш Баасан-Пүрэв (Нарутогийн аниме, манга нь пүрэв гараг бүрт шинэ ангиа гаргадаг юм л даа) болчихсон юмшиг.

Заза хамгийн гол нь би юу гэх гэсэн бэ гэхлээр, аливаа зүйлд дургүй гээд түүнээс өөрийгөө тусгаарлаж зугтаах хэрэггүй. Зүгээр л өмнөх замаа хараад, зорилгоо чиглээд чигээрээ алх.

Beatles-ийн greatest hits-ийг сонсоод, сандал дээрээ хөнгөхөн бүжиглэнгээ бичив. I wanna hold your haaaaaaaaaaannnnnnnnd mmmmmmmmmmmmmmmm. 

Өнөөдрөөр юу байв?

Өнөөдөр бараг л гэртээ өнжлөө. Бие тааруухан байгаа болохоор эрүүл мэндээ бодоод хичээлээ ч таслаад гэртээ байхаар шийдсэн боловч огт гарахгүй байж бас л чадсангүй. Ямар ч тохиолдолд ажил ихтэй байдаг насанд хүрэгчийн амьдралыг би нээрээ үзэн яджиййййнаааа. Хэдхэн жилийн өмнө юунд ч санаа зоволгүй өдөржингөө найз нартайгаа зугаалдаг байсан тэр үеэ их санаж байна шүү. Гадаа хүйтэн, бие өвдөөд, ядраад байхад ажил ихтэй байна гэдэг сайхан биш шүү, тийм ээ. Гэхдээ энэ өдрийг өөдрөг болгосон ганц зүйл байлаа.
Би бусад охид, бүсгүйчүүдийн блогуудыг унших дуртай. Ер нь бол бусдын блогуудыг уншсаар байгаад л өөрийнхдөө бичих завгүй болчихдог гэх үү дээ. Тэр дундаа гадаадад сурч ажиллаж байгаа монгол охид бүсгүйчүүд маань бусдаас эрч хүчтэй, өөртөө итгэлтэй, ажилсаг, биеэ даасан "жинхэнэ орчин үеийн" эмэгтэйчүүд байж чаддаг учраас тэдний бичлэгүүдээс энэ бүхэн нь мэдрэгдэж байдаг билээ. Өөрөөр хэлбэл надад нэг талаараа эрч хүч өгдөг гэх үү дээ.
Өнөөдөр ийм л байлаа. Зав муутайгаас болоод бичлэг хийх боломж маш муу л байна даа. Уг нь их л хүсч байна...

My favourite movies -1

Гарчигнаасаа ойлгомжтой байгаа биз дээ. Ер нь хэн ч үзсэн яагаад ч илүүдэхгүй кинонууд. 
Энд өөрийнхөө бодлоор л сонгосон кинонууд маань байгаа. Гол нь нэгийг нь ч өөрөө мартахгүй гэсэндээ оруулж байна. Ер нь хүн дуртай зүйлүүдээ мартаад шинэ зүйлд дуртай болох нь тийм ч сайхан зүйл гэж би боддоггүй. Зүгээр л цаг хугацаа өнгөрөх тусам улам олон зүйлд дуртай болж сонирхлоо баяжуулж байх хэрэгтэй гэж боддог. Тийм л учраас бидэнд багтаамж сайтай тархи заяасан байх. Гэхдээ хором мөч өнгөрөх тусам бид өнгөрснөө мартсаар байдаг. Магадгүй тэгээд л эхлээд цаас, харандааг бүтээж тэндээ янз бүрийн зүйлийг бичиж үлдээдэг болсон байх. Харин одоо бид цаас харандаа хэрэглэхгүйгээр өөртөө бас бусдад зориулан бичиж байна.

Michael H. Hart - The 100: A Ranking of the Most Influential Persons in History - 1

Michael H. Hart-ийн Дэлхийн түүхэнд хамгийн их нөлөө үзүүлсэн 100 хүн номын талаар энэ удаагийн бичлэгтээ оруулахаар шийдлээ.
Энэ жагсаалтын талаар дунд сургуульд байхдаа багшийнхаа өгсөн даалгаврын дагуу хүмүүсийнх нь намтрыг цуглуулж байсан билээ. Өнөөдөр гэнэтхэн л энэ талаар бичлэг хийе гэж бодсон юм.
Энэ номонд жагсаасан хүмүүс нь ихэвчлэн шашны зүтгэлтнүүд бөгөөд үүнтэй нь ч би санаа нийлдэг билээ. За ингээд жагсаалтыг нь сонирхоё.

Ernest Hemingway

Эрнэст Хэмингуэй (1899-1961) бол Америкийн зохиолч, сэтгүүлч хүн билээ. Манай Монголчуудын сайн мэдэх зохиол нь гэвэл Өвгөн тэнгис 2, Зэр зэвсэг минь барятай. Дунд сургуульд үздэг шүү дээ. Энэ хүний дотоод ертөнцийг бичсэн зохиолуудаас нь гадна хэлсэн үгнээс нь мэдэж болох юм. 


Ажил төрөл амьдралын утга учрыг тодорхойлдог. Бүхий л зовлон болоод эвгүй явдлаас салахын тулд бүх анхаарлаа ажилдаа хандуул. 


Айдас бүхэн өөрийн үнэртэй. 


Аймхай хүн мянган удаа, эрэлхэг хүн ганцхан удаа үхдэг. 

Confusius

Би их олон хоббитой л доо. Тэдний нэг нь (хамгийн урт настай нь гэх үү дээ) ишлэл үгс цуглуулах. 

Тиймээс би одоогоор цуглуулаад байгаа үгсээ эхний ээлжинд оруулъя гэж шийдлээ. Тэгээд сонгож авсан хүн маань КҮНЗ (Confusius). Дэлхийн түүхэд хамгийн их нөлөө үзүүлсэн 100 хүний 5-р бичигдсэн аугаа гүн ухаантан, шашны зүтгэлтэн билээ. 

Алдааг минь зөв зааж байгаа хүн миний багш

Амжилтыг маань зөв тэмдэглэж байгаа хүн миний анд нөхөр

Julia & Julie

Би дөнгөж сая энэ киног үзэж дуусгалаа л даа. Өмнө нь үзэхийг хүсч байсан ч зав зай муутайгаас болоод олигтой үзэж чадаагүй. 

Ямар нэгэн киног үзээд хүнд өөр өөрийн гэсэн сэтгэгдэл төрж тэр нь хэр хүчтэйгээсээ хамааран урт богино хугацаанд хадгалагдан үлддэг билээ. Тиймээс бусад хүмүүст энэ кино ямар сэтгэгдэл үлдээснийг би сайн мэдэхгүй юм. Надад бол эндээс хамгийн дотноор тусгаж авсан зүйл нь Гэр бүлийн итгэлцэл. 2 өөр цаг хугацаа орон зай, нөхцөл байдалд байгаа ч ямар ч нөхцөлд гэргийгээ дэмжиж чаддаг 2 нөхөр нь энэ киноны хамгийн сайхан чимэг болж чаджээ. Ер нь гэрлэлт гэдэг ойлголцол, итгэлцэл дээр л тогтдог зүйл гэж бодож байна. Арга ч үгүй бизээ. 

Мөнхүү тус кинонд хүн өөрийн хүсэл мөрөөдөл, зорилготой байна гэдэг гайхамшигтай үр дүнд хүргэж чаддаг гэдгийг харуулсан билээ. 

Блогтоо өөрийн хүссэнээ л бичихийг хүсч байсан боловч яг яаж эхлэхээ мэдэхгүй байсан юм. Сайхан эхлэл олж өгсөн гайхалтай кинондоо баярлалаа.