Food-1

- Бөөрөнхий байцааг эхлээд чанах буюу жигнэсний дараа тосонд хуурч шарвал сайхан амтлаг болдог. Байцааг түүхийгээр нь хуурвал чийгээ түргэн алдна. 

- Сүүг тагтай саванд хөөрүүлж, хөөсийг сайн самарвал бүх ашигтай витамин нь хадгалагдана. 

- Хөргөгч байхгүй бол түмпэнд хийсэн хүйтэн усанд сүүтэй саваа тавьж, бүтээсэн алчуурыг үзүүрийг нь усандаа дүрж үлдээвэл сүү удаан хадгалагдана. Харин усаа өдөрт 2-3 удаа солино. 

- Сүүг багаар балгаж яаралгүй уувал сайн шингэнэ. 

- Сүүтэй усанд загас чанавал мах нь илүү амттай болдог. 

- Өргөст хэмх хэт гашуун бол чихэртэй сүүнд дүрээд хэрэглэ. 

- Шөлтэй хоол, сүмсэнд хийх цөцгийнд сүү хийвэл шөл ээдэхгүй. 

- Түүхий сүүнд хийсэн мах 2 хоногтоо муудахгүй. 

- Үхрийн элгийг сүүнд дүрээд шарвал зөөлөн болдог. 

- Утлагатай хиамыг шорвог усанд дүрж аваад сэрүүн газар хадгалбал хөгцөрч муудах нь багасна. 
- Өндөгний хавьс цавтай байвал давстай усанд чана. Хагарахгүй. 
- Хатаасан мөөгийг давстай сүүнд хэдэн цаг дэвтээхэд шинэхэн мэт болдог.